Almaty Museum of Arts (ALMA) – Қазақстандық коллекционер әрі меценат Нұрлан Смағұлов негізін қалаған жаңа заманауи өнердің жеке мұражайы. Мұражай 2025 жылдың күзінде ашылды.
ALMA қорында 700-ден астам өнер туындысы бар, оған қазақстандық шеберлердің (Айша Ғалымбаева, Салихитдин Айтбаев, Рустам Хальфин, Алмагүл Меңлібаева және басқалары) шығармалары мен жаһандық өнердің негізгі есімдері кіреді: Ричард Серра, Яёи Кусама, Ансельм Кифер, Билл Виола. Йинка Шонибаре, Алисия Кваде және Жауме Пленсаның арнайы Almaty Museum of Arts үшін жасаған ашық аспан астындағы монументал мүсіндерінің орны тым бөлек.
Мұражайдың сәулеті британиялық Chapman Taylor бюросы, сондай-ақ Lord Cultural Resources және Buro Happold компанияларының қатысуымен жасалған (Buro Happold портфолиосында Guggenheim Bilbao, Louvre, Centre Pompidou бар). Сәулеті қос L тәрізді құрылымнан тұрады, оның бір бөлігі Тянь-Шань тауларын еске салатын Юра әктасымен қапталса, ал екіншісі қала тұрмысының қарқынды ырғағын көрсететін алюминий панельдермен жабылған.

Тегін кіру:
Тиісті құжатты көрсеткен жағдайда келесі топтағылар мұражайға тегін кіре алады

6 жасқа дейінгі балаларға (қоса алғанда);
мүгедектігі бар жандар мен оларды алып жүрушілер;
Ұлы Отан соғысының ардагерлері мен оларға теңестірілген тұлғаларға, сондай-ақ еңбек ардагерлері;
CIMAM, ICOM және UNESCO мүшелері;
мұражай қызметкерлері;
тіркеуден өткен журналистер;
«Достар» бағдарламасының қатысушылары;
Семей ядролық сынақ полигонындағы ядролық сынақтардан зардап шеккен тұлғалар.