Сипаттама
Қойылым «қазақ-орыс тілінде.
«Неге перзентханада әйелдерді жек көретін адамдар жұмыс істейді? Әйелдер неге әйелдерді жек көреді?»
COVID-19 пандемиясы. Қатаң карантин. Сыртқы әлемнен оқшауланған перзентхана. Жабық есіктердің ар жағында - бөтен адамдар, ортақ қорқыныш және ешкім білмейтін құпиялар.
Бір бөлімде тағдырлары мүлде бөлек әйелдер кездеседі. Бірі ана болуды күтсе, бірі одан қашқысы келеді. Бірі шындықты жасырады, енді бірі сол шындық үшін бәрін жоғалтуға дайын.
Карантин күшейген сайын маскалар шешілмей-ақ, адамдардың шынайы бет-бейнесі ашыла бастайды. Сенім сынаққа түседі. Құпиялар жарыққа шығады. Ал әйел әйелге - ең үлкен қауіпке де, ең соңғы үмітке де айналуы мүмкін.
Бұл - ойдан шығарылған оқиға емес. Спектакль желісі шын өмірде болған оқиғаларға негізделген.
Қазақ және орыс тілдеріндегі бұл спектакль сізді бір ғана сұрақтың алдында қалдырады:
Ана болу - ең үлкен бақыт па, әлде әйелдің өміріндегі ең ауыр сынақ па?
Қосымша ақпарат:
Режиссері: Фархад Молдағали
Продюсер: Жанна Омарова
Дыбыс Режиссері: Данияр Сатыбалдиев
Костюм суретшісі: Дина Буксикова
Тілі: Қазақ Тілі.
Жанр: Драма
Үзіліс: Жоқ
Мүмкіндігі шектеулі жандарға бару мүмкіндігі: Иә
Қойылым труппасы
Алия Маулымхан, Азиза Қонақбаева, Меруерт Тажибаева, Ұлжан Жұмахан, Назым Төлеубаева, Бақыт Ақмұрза, Эльмира Қалбай, Татьяна Цой, Айарыс Дауқараев, Томирис Агадилова, Шыңғыс Абдикарим, Нурлан Скаков, Думан Талғатұлы